Ambasada e Shteteve të Bashkuara të Amerikës në Tiranë, iu ka bërë thirrje qytetarëve amerikanë në vendin tonë, që të shmangin protestën e ish-kryeministrit Sali Berisha që do të zhvillohet nesër përpara selisë së PD.
Në njoftimin e Ambasadës, thuhet se këshillohen qytetarët amerikanë të shmangin çdo tubim të madh në qytet, pasi sipas tyre, disa situata mund të ndryshojnë shpejt në mënyrë të paparashikueshme.
“Qytetarët amerikanë njoftohen se një grup ka bërë thirrje për protestë në selinë e Partisë Demokratike. Qytetarët amerikanë këshillohen të shmangin çdo tubim të madh në qytet. Ndërsa shumë organizime të mëdha publike mund të zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme dhe pjesëmarrësit mund të zhvendosen në pjesë të tjera të qytetit. Monitoroni mediat lokale për informacionet më të fundit dhe ndiqni udhëzimet e autoriteteve lokale të zbatimit të ligjit. Shmangni tubimet e mëdha dhe çdo zonë ku demonstratat janë të pashmangshme ose në vazhdim”, thuhet në njoftim.
