Kryesore

Protesta e 6 dhjetorit, Berisha: Do të kemi dhe mirëkuptimin e liderëve të BE



Bëhu pjesë e Grupit Zyrtar të Opinion.al
>> KËTU <<
               Publikuar në : 19:28 - 23/11/22 |
Opi Nion

Kryetari i PD, Sali Berisha iu është përgjigjur akuzave të qeverisë së protesta e 6 dhjetori zhvillohet kundër samitit të BE dhe Ballkanit Perëndimor në Tiranë.

Në takimin me kryetarët e degëve të PD në kryeqytet, Berisha theksoi se protesta 6 dhjetorit zhvillohet për të mbrojtur vlerat europiane dhe se për këtë protestuesit do të kenë dhe mirëkuptimin e liderëve të BE.

“Ky takim është thirrur me moton, beteja vazhdon. Është një betejë e cila ndalet vetëm në fitoren e PD-së. Rrugë kjo, që kërkon përkushtim, guxim, atdhetari, tipare që ju, mbështetësve tuaj dhe qytetarëve që na mbështesin, nuk mungojnë dhe janë të bindur. Në Tiranë në datën 6 dhjetor, mblidhen udhëheqësit politikë të të gjitha vendeve të BE-së. U them të gjithë këtyre papagajve të qeverisë, se në Tiranë në datën 6 nuk mblidhen 30 diktatorë, por udhëheqës të vendeve të lira, të zgjedhur me votën e lirë, pa patronazhistë, pa narko euro, pa banda dhe blerje vote si Edi Rama, pra jam i bindur se ata kanë mirëkuptim të plotë për një popull që proteston për të njëjtat vlera që i kanë bërë vendet e tyre të begata dhe qytetarët e tyre të lirë dhe vendet e tyre, demokraci të stabilizuara.  Në këtë kontekst le ti bien sa të duan sirenave të frikës dhe tmerrit që i ka kapur qeveritarët sot, por ajo protestë do të rezonojë fuqishëm në Europë dhe botë, si zëri i qytetarëve që kërkon vlera universale, vlerat demokratike, të jenë ato që duan, të sundojnë përsëri në Shqipëri”,-tha Berisha./Opinion.al

Pas