Kryesore

Propozimi i Ramës, Basha: Standard i dyfishtë, të mbyllen fasoneritë


               Publikuar në : 19:31 - 27/03/20 |
Al Do

Kryetari i opozitës, Lulzim Basha ka reaguar ndaj masave të reja që njoftoi kryeministri Rama ku nga java e ardhshme do të lejohet të dalë vetëm një anëtar i familjes për të bërë pazaret.

Sipas Bashës kjo masë është e pamjaftueshme duke marrë parasysh sipas tij se ende lejohen të funskionojnë fasoneritë ku mbi 100 persona punojnë në ambjente të mbyllura.

“Sipas shoqatës së fasonerisë në sektorin fason punojnë rreth 70 mijë persona, 90% prej tyre janë gra dhe vajza që shpesh janë kryefamiljare dhe paguhen me pagën minimale. Ato janë potencialisht burim i përhapjes së shpejtë të virusit. Ti thuash qytetarëve që vetëm një anëtar i familjes do të dalë të bëjë pazare dhe të pranosh që mbi 100 persona të punojnë në ambjente të mbyllura, ky është një standard i dyfishtë, mund të zhvlerësojë cdo sakreficë të bërë deri tani. Duhet të caktivizohen këto bomba me sahat për të paktën 4 javët në vazhdim”, tha Basha.

Kreu demokrat bëri thirrje për mbylljen e fasonerive, call centers dhe fabrikave që angazhojnë një numër të madh punonjësish. Ai ripërsërit edhe njëherë masat e propozuara nga PD për garantimin e një page minimale për ata që nuk do të mund të punojnë gjatë kësaj periudhe duke shtuar se “kosto maksimale e këtyre masave është 15 milionë euro në muaj”. Kjo nuk është një shifër e ulët tha Basha por ai nënvizoi se kostoja e mosveprimit do të jetë dhjetëra herë më e lartë.

Basha komentoi edhe shpërndarjen e ndihmave për familjet në nevojë duke i bërë thirrje qeverisë të veprojë sa më shpejtë sepse sic tha ai “kronikat televizive me shpërndarjen e ushqimeve janë thjeshtë shfaqe që angazhojnë burime financiare për propagandë, ndërkohë që mijëra qytetarë nuk do të marrin asnjë të ardhur javën e ardhshme dhe nuk do të kenë me se të ushqejnë familjet e tyre”. /Opinion.al

Pas