Aktualitet

Pronarët e lokaleve në Vlorë letër Ramës: Zgjat orarin dhe lejo muzikën


Bëhu pjesë e Grupit Zyrtar të Opinion.al
>> KËTU <<
               Publikuar në : 15:17 - 16/07/21 |
Opi Nion

Pas protestës së pronarëve të bizneseve në Kamëz, kanë qenë pronarët e lokaleve në Vlorë, të cilët  përmes një letre i kanë kërkuar kryeministrit, Edi Rama që të lejojë aktivitetin pas orës 24:00 e po ashtu edhe muzikën.

Në letër thuhet se sjellja e Policisë së Shtetit në shumë raste ka dhunuar verbalisht dhe psikologjikisht disa nga pronarët e bizneseve dhe ka vepruar në mënyrë të njëanshme dhe abuzive. Po ashtu theksohet se Shqipëria nuk është vendi me turizmin më konkurrues në rajon. pasi sipas tyre turistët po shkojnë drejt vendeve fqinje pikërisht për këtë fakt.

Në të tilla kushte në rast të mos marrjes në konsideratë të problemit të tyre pronarët e lokaleve paralajmërojnë mbylljen e bizneseve si hap të parë deri në përshkallëzime të mëtejshme duke hequr të gjithë personelin nga puna dhe ndërprerjen e pagesave të taksave dhe detyrimeve.

LETRA E PLOTË
Ju njoftojmë se ne, përfaqësuesit, pronarët e aktiviteteve të shërbimit të Bar-Restaurant-Lounge të qytetit të Vlorës dhe në veçanti të zonës së Lungomares, duke mos marrë zgjidhje nga Prefektura dhe Policia e Shtetit për kërkesat tona për lejimin e ushtrimit të aktivitetit tonë përtej orës 24:00 dhe për mbajtjen e muzikës brenda normave të lejuara me ligj sipas fashës orare, vendosim t’ju drejtohemi ju me këtë kërkesë zyrtare për t’i dhënë zgjidhje këtij problemi.
Situata është e patolerueshme, e bërë e tillë edhe nga sjellja e Policisë së Shtetit, e cila në shumë raste të dokumentuara ka dhunuar verbalisht dhe psikologjikisht disa nga ne dhe ka vepruar në mënyrë të njëanshme dhe abuzive.

Gardh me makina policie përpara subjekteve tona në orën 22:00 për muzikën, gardh edhe më i theksuar me patrullim policor në orën 24:00.
Kufizimet e vendosura janë absurde dhe veprohet në mënyrë të padrejtë dhe preferenciale. Bizneset tona mbyllen me dhunë demonstrative në orën 24:00 kur është kulmi i lëvizjes së qytetarëve dhe kjo gjë është totalisht e papranueshme dhe e pahijshme për imazhin e turizmit në qytetin tonë. Lëvizja e lirë vazhdon, bizneset tona ndalohen. Ndërkohë Tirana vazhdon me grumbullime masive me qindra e mijëra njerëz, si rasti i Finales së Europianit në Tiranë, ku kryebashkiaku mblodhi mijëra njerëz në shesh për të parë ndeshjet, të cilat zakonisht mbaruan pas orës 23:00. E me radhë po të shikosh “Instagramin” dhe “Facebook”, ka postime nga dhjetëra biznese në Tiranë, në Gjirin e Lalzit, biles deri në Memaliaj, ku festohet deri në 2:00 të mëngjesit me muzikë ‘live’ e qindra persona pjesëmarrës. Po ne pse penalizohemi??
Ndërkohë jemi të parët të interesuar për ruajtjen e rendit dhe qetësisë dhe të ndalohet çdo individ i papërgjegjshëm që gjeneron dhunë apo sjellje të pahijshme ndaj turistëve.

Po ju drejtohemi si Kryeministër i Shqipërisë, si mbrojtës i interesave ekonomike të zhvillimit kombëtar, paralelisht me atë shëndetësor me këtë kërkesë:
1. Ju lutemi shfuqizoni aktin normativ Nr.3. dt. 15/03/2020 që na kufizon të drejtën tonë kushtetuese për të ushtruar të lirë aktivitetin tonë jetik. Ky akt normativ me kufizimet e tij duke mos reflektuar paralelisht me ulje taksash apo subvencione po na falimenton.
2. Lejoni ushtrimin e aktiviteteve muzikore nëpër vendet dhe bizneset që i plotësojnë këto kushte të paktën deri në orën 24:00 dhe lejoni bizneset të operojnë të paktën deri në orën 02:00.
Në të tilla kushte trysnie, ne nuk kemi si të jemi një vend me turizëm konkurrues në rajon. Kohët e fundit jemi informuar me lajmet më të fundit se si turistët po shkojnë drejt vendeve fqinje pikërisht për këtë fakt. Vende si Mali i Zi, Greqi, Turqi etj.
Ndaj të detyruar në të tilla kushte kemi vendosur se në rast të mos marrjes në konsideratë të problemit tonë, ne kemi vendosur bashkërisht për të mbyllur bizneset tona si hap të parë deri në përshkallëzime të mëtejshme duke hequr të gjithë personelin nga puna dhe si me çdo biznes që mbyllet ne ndërpresim edhe pagesat e taksave dhe detyrimeve.

 

Pas