Kronikë

Prokuroria e Tiranës kërkon dëshminë e vëllezërve Beqiraj



Bëhu pjesë e Grupit Zyrtar të Opinion.al
>> KËTU <<
               Publikuar në : 12:36 - 15/10/22 |
Opi Nion

Prokuroria e Tiranës u ka kërkuar homologëve të Durrësit vënien në dispozicion të dëshmisë së plotë të dy vëllezërve Gentjan dhe Indrit Beqiraj, të arrestuar pas përplasjes me anëtarë të grupit të ‘Rrumit’ të Shijakut në autostradën Tiranë-Durrës.

Burime bëjnë me dije se dëshmia e tyre kërkohet nga akuza e Tiranës për ngjarjen e 4 Janarit në zonën e “Don Boskos”, ku humbi jetën Erion Çela dhe u plagosën katër persona të tjerë.

Sipas të njëjtave burime, prokuroria konsideron se ka mospërputhje të dëshmive të dy vëllezërve me atë të hetimeve që janë kryer që prej ditës së ngjarjes.

Pas marrjes së dëshmive nga Durrësi, Tirana pritet të kryejë veprime të tjera hetimore, duke kërkuar edhe analizimin e qelizave telefonike të personave të përfshirë, emrat e cilëve janë zbardhur nga dy vëllezërit Beqiraj.

Mësohet se dy vëllezërit janë zbërthyer për ngjarjet kriminale tek personat që i rrëmbyen dhe më pas rrëmbyesit kanë njoftuar policinë dhe i kanë dorëzuar.

Aktualisht, dosja me 15 të arrestuar vijon të jetë në hetim të Prokurorisë së Durrësit, ndërsa akoma kjo e fundit nuk ka shpallur moskompetencë për t’ia deleguar SPAK-ut për veprën penale të grupit të strukturuar kriminal./Klan News

Pas