Bota

Profil/ Kush është presidentja e re e Sllovakisë


               Publikuar në : 09:12 - 16/06/19 |
geliano fataj

Zuzana Caputova është presidentja e re e Sllovakisë. Ajo bëri inaugurimin në një ceremoni solemne.  Caputova bëhet presidentja e pestë e Sllovakisë, që pas shpërbërjes së Çekosllovakisë në dy shtete në 1993.

Presidentja 45-vjeçare ka pak eksperiencë politike por i tërhoqi votuesit të cilët shprehen të velur nga korrupsioni dhe politika aktuale. Ajo do të ketë një rol më tepër ceremonial.

Me profesion juriste, Caputova u bë e njohur për betejën e suksesshme që zhvilloi kundër një landfilli me mbetje toksike në qytetin e saj, Pezinok. Për këtë punë ajo u nderua në 2016 me çmimin prestigjioz Goldman që vlerëson punën për kauza ambientaliste.

Presidentja Zuzana Caputova është e divorcuar dhe ka dy fëmijë. Ajo është shprehur pro të drejtave të homoseksualëve dhe është kundër përpjekjeve për të kufizuar të drejtën e abortit, prirje që e bëjnë një politikane shumë liberale në një vend katolik si Sllovakia./ Opinion.al

Pas