Vijon procesi i ngritjes së Byrosë Kombëtare të Hetimit. Sot është mbyllur faza e katërt e vlerësimit të kandidatëve që konsistoi në shkrimin e një eseje.
Ndërkohë, një padi është paraqitur në Gjykatën Administrative për procesin e përzgjedhjes së kandidatëve të fazës së tretë të testit fizik.
Disa prej aplikantëve të skualifikuar kanë ankimuar procesin pasi sipas tyre nuk ka pasur transparencë në përllogaritjen e pikëve në testin fizik.
Pas fazës së katërt, kandidatët do t’i nënshtrohen intervistës, poligrafit (makina e së vërtetës) dhe më pas vettingut, vlerësimit të kontrollit të pasurisë së tyre, si edhe të familjarëve.
Nga 103 kandidatë do të zgjidhen vetëm 60 që do të bëhen pjesë e FBI-së Shqiptare, njeri prej të cilëve do të jetë zv.drejtuesi i BKH./Opinion.al
