Kryesore

“Procesi do të udhëhiqet nga KQZ”, Gjiknuri: Si do të votojnë emigrantët


Bëhu pjesë e Grupit Zyrtar të Opinion.al
>> KËTU <<
               Publikuar në : 16:45 - 22/06/20 |
Opi Nion

Votimi i emigrantëve është një nga pikat e synuara në kuadër të çdo ndryshimi që lidhje me zgjedhjet, por deri më tani nuk ka pasur sukses.

Ndërkohë, lidhur me këtë çështje ka folur Bashkëkryetari në komisionin e Reformës Zgjedhore nga radhët e mazhorancës, Damian Gjiknuri.

Në takimin online me këshillin koorodinues të diasporës, ai ka dhënë detaje në lidhje me dakordësimin e palëve politike për votimin e emigrantëve.

Gjiknuri theksoi se çështja e votës së emigrantëve është përfshirë në proces, ndonëse ishte një proces i vështirë politik. Sipas tij, është vendosur që procesin e votës së emigrantëve në zgjedhje do ta udhëheqë Komisioni Qendror i Zgjedhjeve.

Përfaqësuesi i mazhorancës the se votat e emigrantëve të cilat do të vijnë në Shqipëri përmes postës ose në mënyrë elektronike do të numërohen në Tiranë, ku do të jenë dhe të regjistruar.

 “Reforma Zgjedhore është zhvilluar në një kontekst të vështirë politik. Nuk ishim në kushte normale si reformat e tjera, pasi ishim në një situatë ku dialogu me opozitën ishte thuajse i munguar. Për këtë, çështja e emigrantëve duhej sqaruar me shumë kujdes. Megjithatë, morëm përsipër që çështjen e votës së emigrantëve ta përfshijmë, në një mënyrë që ajo të bëhet e mundur. Nisur nga konteksti aktual, ku emigrantët duhet të votojnë sipas një regjistri paraprak, tashmë infrastruktura është gati. Për këtë vendosëm që në Kodin Zgjedhor procedurat e votimit, me postë ose elektronike, t’ia delegojmë KQZ. Në Kod u sanksionua që është KQZ ajo që udhëheq procesin. Kushdo emigrant, i cili është i regjistruar në një regjistër, automatikisht do të gjenerohet në listën e zgjedhësve, dhe do të ketë mundësi të votojë. Duhet që emigranti, diaspora, shqiptari me banim jashtë vendit, duhet të jetë i regjistruar në regjistrin e gjendjes civile. Vota e tyre do të llogaritet në Qarkun e Tiranës. Pra, emigrantët e regjistruar në regjistër dalin në Qarkun e Tiranës. Në zgjedhjet e para numri do të jetë i vogël, por nëse do të aplikojmë në këto zgjedhje 20-30 mijë emigrantë, do të nxjerrim mësime për zgjedhjet e tjera. Meqë është listë unike, vota e tyre do të llogaritet në Tiranë, e cila ka dhe më shumë mandate”, tha Gjiknuri./ Opinion.al

Pas