Raundi i katërt për zgjedhjen e Presidentit, do të zhvillohet të shtunën më 4 qershor në orën 18:00.
Afati i depozitimit të kandidaturave do të jetë data 4, ora 12:00. Ndërsa Komisioni i Ligjeve do mblidhet në datën 4 ora 16:00. Vendimi u mor në mbledhjen e sotme të Konferencës së kryetarëve.
Ishte kreu i Grupit Parlamentar të PS, Taulant Balla ai që propozoi datën 4 për mbajtjen e raundit të katërt.
“Unë propozoj që raundi i katërt i zgjedhjes së presidentit të zhvillohet ditën e shtunë më datë 4 qershor, ora 18:00”-tha Balla.
Kujtojmë se tre raundet e para u dogjën pa asnjë kandidat.
