Ditën e nesërme do të zhvillohen konsultime për zgjedhjen e presidentit. Mësohet se kreu i grupit parlamentar socialist, Taulant Balla bashkë me grupin e tij do të takohet si fillim me përfaqësues të grupit të drejtuar nga Mesila Doda.
Më pas ai dhe grupi negociator i PS do të takohet me grupin parlamentar “Aleanca për Ndryshim” e përfaqësuar nga Fatmir Mediu.
Gjithashtu bëhet e ditur se Enkelejd Alibeaj, përfaqësues i PD, nuk është përgjigjur nëse do të marrë pjesë në konsultime apo jo.
“Nesër do të zhvillohen konsultimet në kuvend për zgjedhjen e presidentit. Fillimisht grupi negociator i PS-së do takojë përfaqësues nga grupi i drejtuar nga Mesila Doda në orën 09:00. Në orën 10:00 do të zhvillojë takime me grupin parlamentar “Aleanca për Ndryshim” e përfaqësuar nga Fatmir Mediu. Ndërkohë (ish)kreu i grupit parlamentar të PD-së, Enkelejd Alibeaj nuk ka kthyer përgjigje për pjesëmarrjen ose jo në konsultime nesër”,thuhet në njoftim./Opinion.al
