Presidenti i Çekisë, Millosh Zeman, akuzoi Turqinë për bashkim me terroristët në verilindje të Sirisë dhe për kryerje të krimeve të luftës.
“Presidenti Erdogan i quan kurdët terroristë, por unë nuk jam dakord. Përkundrazi, unë e pyes veten nëse ata që i sulmojnë kundër dhe kryejnë vrasje të neveritshme si ajo e politikanes kurde janë vetë terroristë”, tha Zeman për televizionin çek, Barrandov.
Ai iu referua vrasjes së politikanes kurde, Hevrin Khalaf, nga aleatët sirianë të Turqisë, gjatë një operacioni kundër policisë kurde.
Zeman, po ashtu tha se Turqia po ndërton “lidhje të ngushta me islamizmin radikal dhe vrastar”.
“Unë mendoj se Turqia ka kryer krime lufte dhe në asnjë rast ajo nuk duhet të bëhet anëtare e Bashkimit Evropian”, tha Zeman.
Kujtojmë se javën e kaluar, ushtria turke ka nisur një ofensivë kundër kurdëve në verilidnje të Sirisë, për të pastruar, siç ka thënë, kufirin e saj nga terroristët.
Turqia i konsideron kurdët në Siri si pjesë të Partisë së Punëtorëve të Kurdistanit, grup ky që ka luftuar me dekada për autonominë kurde brenda Turqisë.
Ofensiva turke, e cila ka zgjatur tetë ditë, thuhet se ka lënë qindra njerëz të vrarë dhe të plagosur, ndërsa ka detyruar mijëra të tjerë të zhvendosen.
Të enjten mbrëma, Turqia ra dakord për një armëpushim të përkohshëm, pas disa orësh negociata me Shtetet e Bashkuara./Opinion.al
