Bota

Presidenti Biden shtyn deklasifikimin e dosjeve për vrasjen e John F. Kennedy


Bëhu pjesë e Grupit Zyrtar të Opinion.al
>> KËTU <<
               Publikuar në : 17:49 - 23/10/21 |
Opi Nion

Shtyhet për një vit deklasifikimi i dosjeve të reja sekrete për atentatin në Dallas, në vitin 1963, ndaj ish-presidentit amerikan John F. Kennedy.

Sipas presidentit amerikan Joe Biden, shërbimet propozuan që të shtyhej deklasifikimi i të gjitha informacioneve që përmbanin dosjet dhe ai konfirmoi se kjo do të bëhej deri më 15 dhjetor 2022, gati 60 vjet pas atentatit.

Në vitin 2017, nën presidencën e Donald Trump, Arkivi Kombëtar i SHBA deklasifikoi një seri dosjesh tre herë.

Shtëpia e Bardhë shpjegoi në njoftimin për shtyp se arkivistët ishin vonuar në shqyrtimin e dosjeve për shkak të pandemisë Covid-19 dhe kishin nevojë për më shumë kohë.

Kjo shtyrje është e nevojshme “për të shmangur kompromentimin e sigurisë ushtarake, operacionet e inteligjencës, ruajtjen e rendit publik dhe marrëdhëniet ndërkombëtare”, tha Biden. Ai shtoi më tej se këto vlerësime “tejkalojnë interesin e përgjithshëm për një deklasifikim të drejtpërdrejtë”.

Komisioni për vrasjen e JFK, i njohur si “Komisioni Warren” sipas  Earl Warren, në atë kohë President i Gjykatës së Lartë të SHBA-së, kishte arritur në përfundimin në vitin 1964 se Lee Harvey Oswald, një ish komando i Marinës që kishte jetuar në Bashkimin Sovjetik, kishte vepruar i vetëm në vrasjen e Presidentit Kennedy.

Megjithatë, që nga publikimi i tyre, konkluzionet e këtij raporti kanë shkaktuar polemika, ku puna e komisionit është kritikuar në studimet e mëvonshme. Një komitet i Kongresit më vonë doli në përfundimin se JFK “ndoshta ishte vrarë si rezultat i një komploti”./Opinion.al

Pas