Liverpool arriti një fitore të rëndësishme me një rival direkt si Chelsea. Skuadra e Jurgen Klopp triumfoi me rezultatin 2 – 1 në takimin e javës së pestë të Premier League.
Livepool, që luajti një pjesë të parë të përkryer shënoi Lovren në minutën e 17’. Mbrojtësi kroat realizoi i pashqetësuar nga kundërshtarët.
Para pushimit, Henderson dyfishoi avantazhin me një supergol nga distanca. Chelsea shfaqi shenja reagimi në pjesën e dytë.
Diego Costa realizoi për londinezët në të 61’ duke mundur mbrojtjen e Liverpool. Loja e mbetur pati raste, por jo ndryshim rezultati. Me këtë sukses Livepool kalon Chelsea në renditje edhe pse janë në të njëjtën kuotë pikësh, nga 10.
Kjo është humbja e parë në këtë kampionat për ekipin e Antonio Conte.
