Sot Partia Socialiste çeli dyert e Kongresit të saj të anëtarësisë. Në sallën e Pallatit të Kongreseve ishin të pranishëm figurat më të larta në hierarkinë e socialistëve. Kryeministri Rama, njëherësh dhe kryetari i PS kishte në krah gruan e tij Linda Rama dhe nënkryetarin Taulant Balla.
Disa poltronë më tej ishte i ulur edhe ish-kryebashkiaku i Durrësit, Vangjush Dako. Këtë fakt e ka komentuar edhe Sekretari i Përgjithshëm i PD, Gazment Bardhi sipas të cilit kjo tregon se “pavarësisht fasadës dhe ngjyrave, Partia Socialiste me Edi Ramën mbetet një parti e kriminalizuar, që ka në drejtim dhunuesit e grave”.
“Vangjush Dako non grata në SHBA dhe nën hetim për vjedhjen e zgjedhjeve në bashkëpunim me bandën e trafikantëve nderkombëtare të drogës dhe qënieve njerëzore, vazhdon dhe merr vendime në PS e Edi Ramës dhe është në krye të vendit. Pavarësisht fasadës dhe ngjyrave, Partia Socialiste me Edi Ramën mbetet një parti e kriminalizuar, që ka në drejtim dhunuesit e grave!”, shkuan Bardhi.
Herën e fundit në emisionin “Opinion”, kryeministri Rama deklaroi se Vangjush Dako do të mbesë miku i tij edhe sikur ai të shkojë në burg.
“Vangjush Dako ka qenë është dhe do të jetë miku im që të jesh i qartë ti …nuk ma përcakton departamentit i shtetit mua kë kam mik e kë jo .Mua më përcakton morali im dhe bindja ime …edhe në burg të shkojë nesër do të jetë miku im, por me Vangjush Dakon ama nuk kam bërë kurrë …kurrë as më ka kërkuar as i kam kërkuar as kemi bashkëpunuar as kemi kërkuar bashkëpunim të tjerëve, asnjë shkelje të ligjit të republikës të Shqipërisë asnjë…”, deklaroi atëherë Rama. /Opinion.al
