Një fotograf i mirë mund t’ju flasë pafund për punët e tij ,por përsëri ju lë me dëshirën për të ditur më shumë.
Fotografja e mirënjohur Mary Ellen Mark, e cila ndërroi jetë më 25 maj, kur ishte 75 vjec, ishte e njohur për portretet e saj humaniste:
Fëmijë të pastrehë në Seattle, prostituta në Indi, familje që jetojnë jashtë makinës së tyre. Në vitin 1990 ajo shkrep një ndër fotot e saj më të paharrrueshme e titulluar : Amanda dhe kushëriri i saj Amy.
“Kjo fotografi ngre shumë pyetje dhe më lë mua me një ndjenjë makthi”, thotë Jeff Jacobson, një fotograf nga New York dhe miku i Mark’s.
Pse Amanda ishte trukuar, me thonj falsë dhe pinte duhan në moshën 9 vjecare ?
Çfarë kujton ajo nga shkrepja e kësaj fotografie ? Cfarë ka ndodhur që nga ajo pasdite me diell në vitin 1990?
Sot ajo është 34 vjeç, jeton në Lenoir, N.C, dhe ende e kujton këtë foto.
“Kurrë në jetën time nuk e kam harruar”, thotë ajo.
“Për 25 vite e kam kërkuar këtë foto dhe nuk e kam gjetur”.
Pas vdekjes së fotografes, kushëriri i saj e poston foton ne facebook dhe bën tag Ellison.
“Unë qava. Unë qava.Sepse … më në fund ja tek ishte …” thotë Ellison.
Në vitin 1990, Mark ishte dërguar në zonat rurale North Carolina nga revista Life për të mbuluar një shkollë për fëmijët me probleme “.
Ellison ishte një nga ata fëmijë.
“Ajo është e preferuara ime “, ka thënë Mark British Vogue në vitin 1993.
“Ajo ishte aq e keqe, ajo ishte e mrekullueshme, ajo kishte një gojë me të vërtetë vulgare, ajo ishte e shkëlqyer.”
Mark shtoi: “Unë isha një fëmjë problematik .Isha emocional, i egër, rebel në shkollë . ”
“Në qoftë se unë nuk mund të merrja cigare , në qoftë se dikush nuk do të mi jepte ato mua , unë do ti vidhja dhe do të ikja. Do të ulesha në pyll duke pire cigare derisa ata të iknin”
Ellison thotë se në moshën 9 vjecare ajo e dinte se kishte probleme të thella me fëmijërinë e saj. Ajo i shikonte fotografitë e Mark’s jo vetëm si një devijim por edhe si një zgjidhje e mundshme.
Ajo thotë se jeta e saj është përmirësuar dhe se dëshiron që të mund të fliste sërish me atë fotografe.
Përktheu për Opinion.al:
Adela Zeneli
