Kreu i Partisë Demokratike, Sali Berisha gjatë mbledhjes së grupit parlamentar të PD-së ka folur sërish për projektin e Portit të Durrësit.
Në fjalën e tij, Berisha tha se Shqipëria nga marrëveshja e kryeministrit Edi Rama do të përfitojë 200 mijë euro në vit, kjo sipas ekspertëve.
Ndër të tjera, kryedemokrati tha se porti i Durrësit nga porti që i ofronte Shqipërisë 4 milionë ton mallra, tani sipas tij do të bëhet porti i jahteve të kryeministrit Rama, vëllait të tij Olsi Rama dhe të, Bledi Çuçit e klientelës së tyre.
“Kjo është e faktuar. Kushdo që ka dyshimin më të vogël i them të referojë se çfarë pësoi porti i Bejrutit. Një mori pallatesh buzë uji dhe porti para për jahtet e pasanikëve të Bejrutit. Ky është vetëm njëri mekanizëm plaçke. Shteti shqiptar nga marrëveshja e Edi Ramës me Alabarin apo Emarin fiton 200 mijë euro në vit.
Kaq është sipas ekspertëve të portit dhe detit nga Çuçi bej se ky është I apasionuar pas jahteve. Porti i Durrësit do e ketë banor. Në një kohë kur ai port përpunon sot 4 mln ton mallra. Ai port i ofron Shqipërisë së mesme, veriut dhe jugut 4 mln ton mallra dhe tani do na bëhet porti i jahteve të Ramës, Olsit, Çuçit, klientelës së tyre dhe pastaj do vijnë edhe disa të tjerë ortakë të tyre nga Ballkani dhe Arabia.
Pra këto janë disa aspekte kurse fitimi i Edi Ramës dhe Olsi Ramës, i Karriçëve që janë me ta është përrallor. Është përrallor. Ata marrin falas, ndërtojnë aty 12 mijë e 600 apartamente. Një barbari e vërtetë. E tëra kjo në tërësi shitje në ajër, shitje në themel ndaj dhe na duhet amnistia me çdo kusht fiskale që të vërshojnë lumentë e narko eurove dhe narko paundëve drejt Shqipërisë”, tha Berisha.
