Çdo fillim viti shkollor merr një vëmendje të veçantë nga mediat dhe i tillë ishte edhe këtë vit. Në momente të tilla të gjithë bëhemi sadopak nostalgjikë, për shkollën, miqtë dhe mësuesit tanë. Të tillë janë bërë edhe personazhet publike shqiptare, në këtë fillim viti duke postuar foto nga fëmijëria. Ja disa prej tyre:
Edi Rama
Në ditën e parë të shkollës ka qarkulluar një foto e kryeministrit, Edi Rama ku ai dukej shumë shembullor me përparëse të zezë dhe jakë të bardhë. Në këtë ditë të rëndësishme ai shoqërohej nëna e tij e Aneta.
Monika Lubonja
Kjo bukuroshe që shikoni në foto është aktorja sharmante, Monika Lubonja. Ka qenë vet ajo që në fillimin e vitit të ri shkollor ka postuar këtë foto në rrjetet sociale. Monika shfaqet në bankë, duke ngjyer penën me bojë, ku me siguri ka qënë duke bërë ndonjë diktim.
Julian Deda
Nuk është fare e vështirë ta dallosh se cili personazh shfaqet në këtë foto, ai është thjesht Julian Deda. Aktori i njohur i humorit është fotografuar në klasë të dytë dhe kjo foto që ka postuar në rrjetet sociale, asokohe ka qenë në tabelën e nderit.
Aurela Gaçe
Nuk e mohon kurrë origjinën nga fshati, madje duket se shpeshherë e merr malli për vendlindjen e saj, Llakatundin. Kjo foto është bërë në vitin 1990-1994 në katër vitet e gjimnazit, që për këngëtaren Aurel Gaçe kanë qenë shumë të bukura. Ne kemi vetëm një pyetje ku i gjente vallë Aurela kapelet asokohe?!
Alesio Alia
Modeli i njohur shqiptar, Alesio Alia është bërë nostaligjik dhe ka postuar edhe ai foto kur ka qenë në klasë të parë. Djali nga Tropoja, dukej që në moshë të vogël se do të bëhej shumë i gjatë, ama ai shalli i pionerit mbi pulovër i shkon shumë…
Ermal Mamaqi
Kush e gjen se ku ndodhet Ermali në këtë foto, do të ketë një super shpërblim?! Aktori i humorit është bërë nostalgjik dhe ka postuar një foto nga 8 vjeçarja dhe pikërisht nga klasa e gjashtë.
- Shënim : Që mos t’iu mbetet mendja Ermal Mamaqi është djali në bankën e tretë, rreshti i mesit, majtas
