Rreth orës 08:25 është grabitur banka e nivelit të dytë tek kryqëzimi i “21 Dhjetorit”. Kanë hyrë dy shtetas të dyshuar me armë zjarri dhe të maskuar me shall dhe kapele, të cilët pasi kanë neutralizuar punonjësit e sigurisë së bankës, kanë marrë një sasi lekësh në kasë. Policia tha se shuma e grabitur është e papërcaktuar.
Nga veprimet e para, është sekuestruar një armë zjarri pistoletë e cila dyshohet se është lënë nga autorët. Grupi hetimor në vendin e ngjarjes po punon për identifikimin e personave dhe kapjen e tyre. Ndërkohë shërbimet e policisë po krehin zonën përrreth si dhe janë ngritur pika kontrolli, bën të ditur policia e Tiranës.
