Forcat e Ndërhyrjes së Shpejtë, Delta Force dhe Policia e Shtetit është angazhuar tërësisht në goditjen e trafikut ndërkombëtar të lëndëve narkotike.
Plot 272 forca policore patrullojnë 24 orë vijën bregdetare dhe kufirin jeshil për të parandaluar raste të mundshme të trafikut të lëndëve narkotike drejt Italisë dhe Greqisë.
Plani i veçantë i Policisë së Shtetit për forcimin e masave është bërë në kuadër të rasteve të fundit ku janë goditur grupe kriminale dhe raste të shumta të kultivimit të kanabisit.
Njoftimi i Policisë së Shtetit:
Plan të veçantë masash për parandalimin dhe goditjen e trafikut të lëndëve narkotike.
FNSH, DELTA dhe POLICIA KUFITARE patrullime në vijën bregdetare prej disa ditësh.
Rreth 272 forca policore patrullojnë non stop 24 orë në vijën bregdetare dhe kufirin jeshil.
FNSH e pajisur me dylbi nate, kamera teknike.
Në planin e masave të përfshira edhe Drejtoritë Vendore të Policisë në Qarqe .
Drejtoritë Vendore të Policisë në Qarqe të fokusuara në identifikimin dhe goditjen e vendeve të magazinimit të lëndëve narkotike.
Drejtoritë Vendore të Policisë në Qarqe të orientuara në hetimin për të goditur çdo hallkë të kësaj veprimtarie kriminale.
Kjo strategji ndodh për herë të parë në Policinë e Shtetit e cila përfshin FNSH në patrullim në vijën bregdetare për parandalimin dhe goditjen e trafikut të lëndëve narkotike.
Sikundër për herë të parë po ndodh që Policia e Shtetit po identifikon dhe godet magazinat e grumbullimit dhe të përpunimit të lëndëve narkotike.
