Bota

Policia britanike: Vrasja e deputetit ishte sulm terrorist


Bëhu pjesë e Grupit Zyrtar të Opinion.al
>> KËTU <<
               Publikuar në : 09:05 - 16/10/21 |
Opi Nion

Policia britanike deklaron se vrasja me thikë e deputetit konservator David Amess, është sulm terrorist.

“Hetimet fillestare kanë vënë në pah motivin potencial të lidhur me ekstremizëm islamik”, ka thënë Policia Metropolitane në një deklaratë të lëshuar më 16 tetor.

Në deklaratë është thënë se hetuesit policorë besojnë se sulmuesi ka vepruar i vetëm.

David Amess, 69-vjeçar, është therur disa herë më 15 tetor, në një kishë në Eseks, nga një njeri që ka qenë pjesë e takimit me votues, kanë thënë dëshmitarët dhe policia.

Shefi policor për Eseks, Ben-Julian Harrington, ka thënë se Amess ka qenë “thjesht duke kryer detyrën e tij kur i është marrë jeta në mënyrë të tmerrshme”.

Një burrë 25-vjeçar është ndaluar si i dyshuar për vrasje dhe i është marrë thika, është thënë në deklaratën e Policisë, pak pas incidentit.

Amess ka qenë ligjvënës nga viti 1983, ka qenë i martuar dhe baba i pesë fëmijëve.

Ai është nderuar nga Mbretëresha britanike Elizabeta II më 2015 për shërbimin e tij, duke marrë titullin Sir David.

Në Parlamentin britanik, flamujt janë ulur në gjysmë-shtizë, ndërkohë që kanë lindur pyetje rreth sigurisë së ligjvënësve.

Pas