Dy persona nga Gjirokastra janë arrestuar sot nga policia pasi iu gjetën 58 kg lëndë narkotike të llojit marijuan. Petro Ngucaj dhe Celo Celo janë arrestuar pas finalizimit të operacionit të koduar VIROI të ndërmarrë nga Seksioni për Hetimin e Narkotikëve në Policinë e Gjirokastrës.
Dy personat përkatësisht 38 dhe 23 vjec, ishin duke qarkulluar me automjetin tip BMW me targa të huaja A23E505 teksa janë ndaluar nga patrulla e Policisë Rajonale, në hyrje të Parkut Natyror të Viroit, 2 km në veri të Gjirokastrës. Ngucaj ishte shoferi i mjetit, ndërsa Celo, pasagjer. Humbja e qetësisë së Ngucajt dhe Celos pas kërkesës së bërë nga policët për kontroll fizik të mjetit, ka shtuar më tepër dyshimet për prezencën e marijuanës në bordin e mjetit që qarkullonin të dy.
Sasia prej 58 kg marijuanë e thatë, është gjetur në bagazhin e mjetit dhe ishte e ndarë në 6 pako të mbështjella me ngjitëse plasmasi të tejdukshme. Pasagjeri Celo Celo, ka mohuar të ketë patur dijeni për sasinë narkotike në bagazhin e BMË ndërsa Ngucaj, tentoi të largohej por që u izolua menjëherë nga uniformat blu. Materialet i kaluan Prokurorisë së Gjirokastrës dhe ndaj tyre, rëndon vepra penale e prodhimit dhe shitjes së lëndëve narkotike, e kryer në bashkëpunim.
