Policia ka ndaluar një furgon që po transportont emigrantë të paligjshëm në Pogradec.
Mësohet se automjeti ishte nisur nga Bilishti dhe destinacion final kishte Tiranën. Efektivët ndaluan mjetin për kontroll në Pogradec, ku dhe u zbulua se në pjesën e pasme ishin fshehur klandestinë.
Sikurse duket në video, një efektiv policie shfaqet me armë në dorë teksa urdhëron klandestinët të ulen, duke tentuar t’i mbajë brenda furgonit, urdhër i cili nuk zbatohet nga këta të fundit.
Emigrantët arrijnë të shqyejnë derën e mjetit dhe dalin me vrap duke u shpërndarë në qytetin e Pogradecit. Drejtuesi i mjetit ka përfituar nga rrëmuja dhe u largua.
Policia e ka identifikuar dhe e ka shpallur në kërkim për veprën penale të transportimit të emigrantëve të paligjshëm.
