Kronikë

“Po vdes, po vdes”,flet dëshmitari i pranishëm në vrasjen e 23-vjeçarit shqiptar në Itali



Bëhu pjesë e Grupit Zyrtar të Opinion.al
>> KËTU <<
               Publikuar në : 16:17 - 21/09/22 |
Opi Nion

Është zbardhur dëshmia e një italiani që ka qenë i pranishëm në ngjarjen e rëndë që ndodhi në Itali, ku 23-vjeçari shqiptar Emanuel Rroku u vra me armë zjarri nga bashkëatdhetari i tij,  pas një sherri mes disa të rinjve shqiptar për një grua.

Sipas Luca di Cuggino, autori  ishte i dehur, ndërsa për të parandaluar ngjarjen njerëzit e pranishëm nxituan për t’i marrë armën. Ndërkohë, ai shton se në momentin që infermieret po përpiqeshin ta mbanin në jetë të riun, dikush nga të pranishmit bërtiti “Po vdes, po vdes”.

Ndër të tjera Luca di Cuggino shton se ishte një skenë e tmerrshme, të cilën nuk e kishte menduar se do ta shihte në Turbigo.

“Ai që qëlloi, fillimisht u përlesh me partneren e tij. Ndërhyri njëri dhe ai më pas i dha një goditje të fortë në këmbë. Ai ishte dukshëm i dehur. Fundi i botës ka ndodhur. Të gjithë dolën nga klubi dhe u hodhën mbi të për t’i hequr armën. Ai kishte një armë të vogël. Më pas, në rrëmujën totale, ai qëlloi sërish dhe vrau djalin duke e qëlluar në fyt”. Luca ka qenë pranë ambulancës dhe pa momentin që punonjësit e shëndetësisë po përpiqeshin të mbanin në jetë të riun. “Një djalë, pa këmishë, filloi të bërtiste ‘Po vdes, po vdes’, vazhdon Luca.  Ai që qëlloi ishte i shtrirë në trotuar. Të gjithë e ofenduan. Një vajzë po bërtetiste. Mbërritën shumë makina të karabinierëve me jelek antiplumb dhe makina me shqiptarë. Një skenë e tmerrshme, të cilën nuk e kisha menduar kurrë se do ta shihja në Turbigo”.

Kujtojmë se, ngjarja e e rëndë ndodhi rreth orës 23:30 pranë rrugës numër 8 të via Allea Comunale, në qendër të qytetit të vogël në provincën e Milanos, rreth 20 kilometra nga Legnano.

Tre shqiptarët e përfshirë në sherr kanë qenë pjesë e një grupi shqiptarësh që festonin ditëlindjen. Duket se gjatë festës një nga të rinjtë e pranishëm ka shfaqur interes ndaj një gruaje.

Për këtë arsye ka lindur një sherr i cili më pas ka degraduar në të shtëna me armë, të cilat përfunduan në tragjedi.

 

Pas