Aktualitet

“Po punojmë që vaksinat të jenë të disponueshme për Ballkanin Perëndimor”


Bëhu pjesë e Grupit Zyrtar të Opinion.al
>> KËTU <<
               Publikuar në : 13:15 - 18/12/20 |
Opi Nion

Komisioneri evropian për Zgjerimin, Oliver Varhelyi, është shprehur se Bashkimi Evropian po punon që vaksinat kundër COVID-19 të jenë të disponueshme edhe për Ballkanin Perëndimor.

Sipas tij, vaksina mund të shpërndahet për Ballkanin Perëndimor sapo të fillojë shpërndarja në territorin e BE-së.

“Po ndajmë fonde për aranzhimet mbështetëse dhe koordinuese. Në pandemi qëndrojmë pranë Ballkanit Perëndimor, e ardhmja e të cilit është në BE”, shkroi Varhelyi në Tëitter.

Varhelyi bisedoi sot përmes një video-konference me ministrat e Jashtëm të vendeve të rajonit rreth mundësive se si të ndihmohet furnizimi i tyre me vaksinat kundër koronavirusit.

Është planifikuar që vaksinat të dërgohen në rajon përmes dy kanaleve: i pari është progami i Organizatës Botërore të Shëndetësisë, COVAX, i cili mundëson që vendet me të ardhura të larta të sigurojnë se vaksina është në dispozicion edhe për vendet me të ardhura të ulëta dhe të mesme; kanali i dytë është përmes shteteve individuale anëtare, që do të kanë tepricë vaksinash.

Vaksinimi anti-COVID në vendet e BE do të nisë 27 dhjetor, dhe të gjitha shtetet anëtare do të kenë qasje në vaksina në të njëjtën kohë dhe me të njëjtat çmime./ Opinion.al

Pas