Aktualitet

“Po organizojmë opozitën e re”, Karamelo: Presim deputetë të tjerë


               Publikuar në : 13:27 - 13/03/19 |
b.f

Deputeti Ligoraq Karamelo, i cili sot bëri betimin në Kuvend, ka thënë për mediat se po organizohet opozita e re, për të mbajtur një qëndrim të unifikuar karshi mazhorancës. Karamelo tha se presin edhe deputetë të tjerë që t’i bashkohen Kuvendit.

“Ne hodhëm hapin e parë. Organizim do të thotë se duhet të funksionojmë si një opozitë e përbashkët, e vendosur, që të mbajmë një qëndrim bashkëpunues me maxhorancën por edhe kundërshtues, demaskues ndaj problemeve të korrupsionit dhe mbi të gjitha një opozitë që respekton parimet themelore demokratike, kushtetutën. Do të presim edhe deputetë të tjerë dhe do kemi një opozitë shumë aktive në parlament”, u shpreh Karamelo.

Ligoraq Karamelo është pjesë e listës së Korçës të Partisë Demokratike. Ai ka qenë edhe dy herë deputet i Kuvendit të Shqipërisë në vitet 1997-2005, si përfaqësues i Partisë Bashkimi për të Drejtat e Njeriut./Opinion.al

Pas