Aktualitet

Nga “Nënë Tereza” nuk ngrihet asnjë “Boing”, por ACC i ndalon


               Publikuar në : 14:34 - 13/03/19 |
geliano fataj

Edhe Shqipëria është renditur në vendet që ndalojnë fluturimin e avionëve Boing 737-8 dhe 737-9 max. Autoriteti i Aviacionit Civil njofton se i bashkohet vendimit të Agjensisë Evropiane të Sigurisë në Operim të Aviacionit (EASA).

Vendimi i EASA-s vjen pas aksidentit fatal të avionit tip Boeing 737 Max 8 të shoqërisë ajrore “Ethiopian Airlines”. Por në fakt në Aeroportin Ndërkombëtar “Nënë Tereza” nuk ka në operim asnjë avion të tillë, në asnjë nga linjat e programuara të fluturimeve.

Për t’ju bashkuar nismës së EASA për këtë rast, AAC ka formalizuar lëshimin e një NOTAM-i (lajmërimi për operatorët) nga ana e Albcontrol, i cili ndalon operimin e avionëve të këtij lloji në hapësirën ajrore shqiptare dhe Aeroportin Ndërkombëtar “Nënë Tereza”, për një kohë të pacaktuar, deri në direktivat pasuese të EASA, të cilat do të varen nga informacioni që do të vij nga hetimi i shkaqeve të aksidentit në Kenia”, theksohet në njoftim. /Opinion.al

Pas