Një aksident rrugor është regjistruar mesditën e djeshme në Kamëz. Një 16-vjeçare është përplasur në vijat e bradha nga një mjet tip“BMW X5”.
Mënjëherë pas ngjarjes shoferi është larguar nga vendngjarja, ndërsa mësohet se është arrestuar pas disa orësh.
Vajza u transportua në spital për ndihme mjekësore dhe ndodhet jashtë rrezikut për jetën.
Ndërkohë pamjet e mëposhtëme të kamerave të sigurisë tregojnë se si ndodhi aksidenti. Në vendngjarje policia identifikoi autorin të cilin e arrestoi në mbrëmje pranë një lokali në Kamëz në gjendje të dehur, ndërsa mjetin e kishte parkuar jashtë lokalit.
Mjeti u sekuestrua nga policia dhe përveç arrestit drejtuesit të mjetit iu vendos gjobë dhe iu ulën pikë në patentë./Opinion.al
