Pllakata me shkrimin osman në hyrje të Kalasë së Lezhës, vendosja e së cilës është kryer nga Ministria e Kulturës, ka nxitur jo vetëm protestën e banorëve dhe historianëve por edhe ironinë në rrjetet sociale. Një ndër ironizuesit është edhe Artan Shkreli arkitekt, njohës i trashëgimisë kulturore, i cili nëpërmjet një statusi në facebook shpotit Ministrinë e Kulturës me diciturën “Gezuar 29 shtatorin- Ditën Kombëtare të Trashgimisë” të cilën e shoqëron me foton e pllakatës në nderim të sulltan Sulejmanit. Ajo që të bën përshtypje është se kjo formë proteste e ardhur në gjuhën e ironisë, bëhet nga një arkitekt i njohur si një nga mentorët e Ramës në çështjet e trashëgimisë. Është me interes të dihet me kë është konsultuar Ministria e Kulturës në vendosjen e një pllakate të tillë dhe cili ka qenë qëllimi?
