Një person ka mbetur i plagosur pas disa të shtënave me armë zjarri në Shkodër. Ngjarja ka ndodhur në lagjen “Mark Lula” mbrëmjen e kësaj të diele, teksa bëhet me dije se i plagosur ka mbetur Mikel Fusha.
Sipas informacioneve paraprake, ngjarja ka ndodhur pas sherrit në një lokal. I plagosuri është 22-vjeçari me iniciale Fusha, ndërkohë që ndodhet në spital ku po merr ndihmë mjekësore.
Mësohet se autori i dyshuar është identifikuar nga policia. Ai është me iniciale E.L. dhe është shpallur në kërkim. Në vendngjarje ndodhen forcat policore të cilat po kryejnë veprimet hetimore.
Nga intervistat për media bëhet me dije se Fusha dhe autori kanë patur një konflikt një javë më parë, e për këtë në djeni kanë qenë dhe autoritetet policore.
“Autori dhe djali janë konfliktuar një javë më parë. Nëna e Mikel Fushës: Shkuam një javë më parë te familja e autorit dhe i thamë të largonin djalin. Djali punon në lokal me një vajzë”, tha ajo
Informacioni paraprak i Policisë së Shkodrës
Më datë 21.03.2021, rreth orës 19:30, në lagjen “Mark Lula”, Shkodër, dyshohet se pas një konflikti të çastit është plagosur në këmbë me armë zjarri shtetasi M. F, 22 vjeç, i cili ndodhet jashtë rrezikut për jetën.
Nga veprimet e para hetimore, dyshohet se autori i plagosjes është shtetasi E. L, ku vijon krehja e zonës për kapjen e tij. Në vendngjarje ndodhet grupi hetimor dhe nën drejtimin e Prokurorisë po vijon puna për zbardhjen e plotë të rrethanave të ngjarjes./Opinion.al
