Kronikë

Plagosja me armë zjarri në Vlorë, policia zbardh ngjarjen



Bëhu pjesë e Grupit Zyrtar të Opinion.al
>> KËTU <<
               Publikuar në : 10:18 - 13/10/22 |
Opi Nion

Policia e Shtetit ka zbardhur ngjarjen e ndodhur nw fshatin Llakatund të Vlorës ku mbeti i plagosur me armë zjarri 19-vjeçari Sebastian Jallaj. Autori është një 20-vjeçar nga Llakatundi, i cili është identifikuar dhe është shpallur në kërkim.

Sebastian Jallaj, banues në Fier ka shkuar në Llakatund ku ka dhe të afërmit e tij dhe është nip aty. Ai është ulur fillimisht në lokalin e fshatit, nga ku ka nisur debati me autorin e sulmit. Debat ky, i cili mund të ketë nisur më parë. Autori, pas debatit me fjalë ka shkuar në shtëpi ku ka marrë armën e llojit pistoletë.

Në momentin që Sebastiani ka qënë duke zbritur nga lokali, ai e ka qëlluar me pistoletë në këmbë një herë dhe më pas është larguar.

Ai është larguar për disa metra në këmbë dhe më pas dyshohet të jetë larguar me automjet. Dyshohet se është kapur nga kamerat e sigurisë aty pranë të një biznesi, pasi lokali ku ndodhi konflikti nuk ka pasur kamera sigurie.

Identifikimi i autorit është bërë nga Sebastian Jallaj dhe policia ka nisur kërkimet.

Rreth 15 persona janë pyetur dhe kanë qënë të shoqëruar në komisariat për ngjarjen, mes tyre personi që e dërgoi në spital të plagosurin, familjarë të autorit, dëshmimtar okular, familjarë të Sebastjanit.

Policia po punon për gjetjen dhe kapjen e autorit.

 

Pas