Policia e Kurbinit ka arrestuar një 37-vjeçar pasi mbrëmjen e djeshme ka plagosur me thikë, si dhe e ka goditur me sende të forta një 65-vjeçar pas një konflikti për motive të dobëta.
Uniformat blu bëjnë me dije se 65-vjeçari, H.S ndodhet në spital, jashtë rrezikut për jetën.
“Specialistët për Hetimin e Krimeve në Komisariatin e Policisë Kurbin arrestuan në flagrancë shtetasin M. P., 37 vjeç, banues në Kurbin, pasi dyshohet se mbrëmjen e djeshme, pas një konflikti të çastit për motive të dobëta, ka goditur me mjet prerës thikë dhe sende të forta shtetasin H. S., 65 vjeç, banues në Kurbin, i cili ndodhet në spital, jashtë rrezikut për jetën’, njofton policia./Opinion.al
