Policia e Vlorës ka arrestuar një 33-vjeçar me iniciale A.M. pasi ka plagosur me thikë një person. Dyshohet se konflikti ka ndodhur për motive të dobëta. I plagosuri ndodhet në spital nën kujdesin e mjekëve.
Ngjarja ka ndodhur ditën e sotme, rreth orës 15:30 në lagjen “Partizani” Vlorë.
33-vjeçari pasi ka kryer aktin, është larguar nga vendi i ngjarjes, por është kapur pas 1 ore ndjekje nga shërbimet e policisë.
Ai është shoqëruar në ambientet e Komisariatit të Policisë Vlorë për kryerjen e veprimeve të mëtejshme procedurale.
Grupi hetimor vijon punën për zbardhjen e plotë të rrethanave të kësaj ngjarjeje.
