Mbrëmjen e sotme ka mbetur i plagosur me thikë gjatë një konflikti një 24-vjeçar.
Sipas uniformave blu mësohet se ngjarja ka ndodhur në rrugën “Dine Hoxha”, ku shtetasi D. H., gjatë një konflikti dyshohet se ka goditur me thikë shtetasin A. T., 24 vjeç.
Si pasojë 24-vjeçari është dëmtuar dhe ndodhet në spital, nën kujdesin e mjekëve.
Policia thotë se ka identifikuar autorin e dyshuar me iniciale D.H. Ky i fundit është arratisur dhe është shpallur në kërkim.
“Mbrëmjen e sotme në rrugën “Dine Hoxha”, shtetasi D. H., gjatë një konflikti, një person dyshohet se ka goditur me mjet prerës shtetasin A. T., 24 vjeç, dhe është larguar nga vendi i ngjarjes.
Si pasojë 24-vjeçari është dëmtuar dhe ndodhet në spital, nën kujdesin e mjekëve”, tha policia.
Grupi hetimor po punon për kapjen e autorit të dyshuar dhe sqarimin e rrethanave të ngjarjes./Opinion.al
