Një 12-vjeçar është shoqëruar në polici, pasi ka goditur me mjet prerës një 15-vjeçar në Sarandë.
Sipas uniformave blu mësohet ngjarja ka ndodhur mesditën e sotme në rrugën “Adem Sheme”, lagjja nr. 2, gjatë një konflikti për motive të dobëta.
I dëmtuari është transportuar në spital për ndihmë mjekësore dhe ndodhet jashtë rrezikut për jetën.
“Sot, në mesditë, në rrugën “Adem Sheme”, lagjja nr. 2, dyshohet se gjatë një konflikti për motive të dobëta, një 15-vjeçar është goditur me mjet prerës në shpatull nga një bashkëmoshatar. I dëmtuari është transportuar në spital për ndihmë mjekësore dhe ndodhet jashtë rrezikut për jetën.
Falë veprimeve të shpejta dhe reagimit të menjëhershëm, shërbimet e Komisariatit të Policisë Sarandë bënë të mundur identifikimin e autorit të dyshuar të ngjarjes, shtetasin e mitur 12 vjeçar, i cili u shoqërua në Komisariat për veprime të mëtejshme procedurale.
Gjatë veprimeve të mëtejshme lidhur me ngjarjen, u gjet dhe u sekuestrua në cilësinë e provës materiale mjeti prerës që dyshohet se është përdorur gjatë konfliktit”, njofton policia.
Grupi hetimor, nën drejtimin e Prokurorisë, vijon veprimet hetimore për të sqaruar rrethanat dhe dinamikën e plotë të ngjarjes./Opinion.al
