Zbardhet plagosja e ndodhur mesditën e djeshme në qytetin e Shkodrës ku i plagosur mbeti 38-vjeçari me iniciale V.Sh.
Sipas policisë është bërë i mundur ndalimi i i tre të dyshuarve lidhur me këtë ngjarje, 36-vjeçari me iniciale S.P, 28-vjeçari A.M dhe 29-vjeçari P.M të tre me banim në Shkodër, ndërkohë që këta dy të fundit raportohet se janë vëllezër.
Këta persona pas një konflikti të çastit dhe në bashkëpunim me njëri-tjetrin kanë plagosur me thikë 38-vjeçarin, i cili është nën kujdesin e mjekëve.
Njoftimi i policisë:
Zbardhet dhe dokumentohet ngjarja e ndodhur mesditën e 12 gushtit, ku mbeti i plagosur shtetasi V. Sh.
Vihen në pranga nga Policia e Shkodrës 3 autorët e dyshuar të ngjarjes
Nga strukturat e Drejtorisë Vendore të Policisë Shkodër në bashkëpunim me Komisariatin e Policisë Shkodër, pas një pune të mirëorganizuar dhe intensive u bë kapja dhe arrestimi i shtetasve:
- P. 36 vjeç, banues në Shkodër.
- M. 28 vjeç, dhe P. M. 29 vjeç, banues në lagjen “Mark Lula”, Shkodër, (vëllezër).
Më datë 12.08.2019, rreth orës 12:10, në lagjen “Mark Lula”, pas një konflikti të çastit, në bashkëpunim me njëri-tjetrin kanë plagosur me armë të ftohtë (thikë) shtetasin V. Sh. 38 vjeç, banues në Dobraç, Shkodër, i cili po merr mjekim në Spitalin Rajonal Shkodër, nën kujdesin e mjekëve.
Materialet i kaluan Prokurorisë Pranë Gjykatës së Shkallës së Parë Shkodër për veprat penale “Plagosja e rëndë me dashje” e kryer në bashkëpunim” dhe “Prodhimi, mbajtja, blerja apo shitja pa leje e armëve të ftohta” ./Opinion.al/
