Është arrestuar nga autoritetet në Ekuador, shqiptari Nezdet Vokshi, i cilësuar si person me rrezikshmëri të lartë.
Vokshi ka rënë në pranga pas një urdhri ndërkombëtar arresti për pjesëmarrje në organizatë që merrej me trafik droge në Holandë.
55-vjeçari shqiptar u vu në pranga në periferi të Guajakilit, pranë një karburanti, teksa po udhëtonte me makinën e tij drejt banesës.
Zyrtarisht në Ekuador ai ishte regjistruar si biznesmen, tregtar që merrej me eksportin e fruta-perimeve.
Vokshi është arrestuar edhe në vitin 2012 në Peru me kërkesë të autoritete e belge, por disa muaj më pas ai u arratis dhe fshihej në Ekuador.
Nezdet Vokshi, rezulton të ketë qenë pjesë e grupeve kriminale që operonin në Belgjikë dhe Holandë, i përfshirë në një rast të trafikut të 400 kilogramëve kokainë përmes portit belg, Atuerp.
