Aktualitet

Piramida, Kim:U ndërtua si muzeu i Enver Hoxhës,në inkubator të së ardhmes


Bëhu pjesë e Grupit Zyrtar të Opinion.al
>> KËTU <<
               Publikuar në : 11:19 - 04/02/21 |
Doriana Çepunaj

Projekti për “rijetëzimin” e Piramidës ka nisur këtë të enjte. Në ceremoninë e organizuar për këtë rast  janë të pranishëm Kryeministri Rama, ambasadorja e SHBA, Kim dhe kryebashkiaku i Tiranës, Erion Veliaj.

Gjatë fjalës së saj, ambasadorja Yuri Kim tha se projekti për transformimin e piramidës është një bashkëpunim shqiptaro-amerikan për të nxitur novacionin e teknologjinë.

Më tej, ajo deklaroi se kjo godinë u hap si muzeu i Enver Hoxhës, por pret me kënaqësi që kjo piramidë të shndërrohet nga një simbol të kaluarës së errët në një inkubator për të ardhmen e ndritur të popullit shqiptar.

“Ne shpesh flasim për rrjedhën e historisë dhe njerëzit që mbarten në rrjedhën e saj. Gjithashtu flasim për historinë në krijim e sipër dhe historia në krijim e sipër është ajo që na bashkon sot. Siç e dimë të gjithë Piramida e Tiranës u hap më 1988 si muzeu Enver Hoxha, një investim cinik i diktaturës. Dhe si vetë diktatori dukej sikur kjo godinë iu thoshte njerëzve se janë objekt pasiv në rrjedhën e historisë. Siç e dëshmoi populli shqiptar më 1991, dhe siç e tregojnë edhe sot, ata kishin një rol në fakt. Populli shqiptar tregoi se historia e Shqipërisë është duke u bërë dhe se populli shqiptar është krijuesi i saj. Pak më shumë se një vit më parë fondacioni shqiptaro-amerikan për zhvillim ranë dakord për të nxitur novacionin e teknologjisë. Bashkëpunimi i tyre po bëhet tashmë realitet dhe pres me kënaqësi që kjo piramidë të shndërrohet nga një simbol të kaluarës së errët në një inkubator për të ardhmen e ndritur të popullit të shqiptar, në një të ardhme ku më të mirët e Shqipërisë të mësojnë dhe të bëhen krijuesit e historisë së tyre”, tha Kim./Opinion.al

Pas