Sport

Pësoi arrest kardiak, Eriksen: Jam mirë, shpresoj të kthehem së shpejti!


Bëhu pjesë e Grupit Zyrtar të Opinion.al
>> KËTU <<
               Publikuar në : 11:49 - 13/06/21 |
Opi Nion

Christian Eriksen, pas momenteve të vështira që kaloi ditën e djeshme, ku ra pa ndjenja në fushën e blertë gjatë ndeshjes mes Danimarkës dhe Finlandës iu ka dërguar një mesazh shokëve të tij të skuadrës: “Jam mirë, shpresoj të kthehem së shpejti”.

Këto fjalë, Eriksen ia ka transmetuar drejtuesve të klubit të tij, Interit, të cilët, kanë shprehur shqetësimin për gjendjen shëndetësore të futbollistit.“Eriksen na dërgoi një mesazh mbrëmë. Ai demonstron harmoninë që ekziston brenda klubit tonë”, tha CEO i Interit, Bebe Marotta, për Rain.

“Menduam që e gjitha do të ishte situatë dramatike. Por falë ndërhyrjes së shokëve të ekipit të Eriksen te Danimarka, por edhe stafit mjekësor, gjendja e tij është e mirë. Dua të falenderoj të gjithë ata që kanë treguar dashuri për Interin, sporti ka provuar që ka vlera tepër të larta, sa i përket episodeve të tilla. Eriksen tashmë është në duart e mjekëve danezë, ndërsa mjekët tanë, janë në kontakt të vazhdueshëm me ata”, përfundoi Moratta.

Për gjendjen e Eriksen ka folur mjeku i klubit zikaltër, Piero Volpi, i cili për mediat italiane ka thënë:“Ne kemi kaluar një kohë të keqe, jo unë, por e gjithë familja jonë Interiste. Në ditët e ardhshme ai do t’i nënshtrohet ekzaminimeve më të thelluara. E rëndësishme është që është mirë. Ai s’ka paraqitur asnjë problem më përpara, asnjë, qoftë edhe një hije dyshimi që të kuptohet që ka pasur problem”.

Futbollisti është i shtruar  në spital në Kopenhagen dhe ndodhet nën kujdesin e mjekëve./Opinion.al

 

Pas