Gazetari Marin Mema është një tjetër personazh i vlerësuar si “personazhi i vitit 2019” nga emisioni “Opinion”. Fillimisht drejtuesi i emisionit Blendi Fevziu u ndal tek mbledhja e fondeve që ai së bashku me “Albanian Roots” realizuan për të prekurit e tërmetit të 26 Nëntorit.
“Ishte një reagim i natyrshëm, në fakt nuk kam qenë në Shqipëri kur ndodhi Tërmeti, po vija nga SHBA për çështje pune dhe në momentin kur kam zbritur në aeroport isha në kontakt me kreun “Albanian Roots” rrënjëve shqiptare, që është edhe miku im në të njëjtën kohë. Më erdhi një reagim njerëzor, kërkova të reagoja, kërkova po themi të ndihmoja në atë që do të vinte më pas dhe sigurisht me një bashkëpunim të shkëlqyer me të gjithë vajzat dhe djemtë e “Albanian Roots” me qendër në New York, menjëherë vumë atë status edhe në faqen time në Facebook dhe në të tyren dhe menjëherë nisëm shumë natyrshëm mbledhjen e fondeve. Pa menduar që do të ishte ky reagim masiv i jashtëzakonshëm i shqiptarëve që në fakt treguan se mund të thyejmë barrierat e imponuara shpesh edhe nga politika. Shqiptarët arritën të tregojnë se mund të ndihmojnë më shumë se gjithçka njeri-tjetrin. Thuajse 1.6 milionë dollarë janë mbledhur vetëm nga shqiptarët e Amerikës. Nga shqiptarët në tërësi domethënë nga shqiptarët e Amerikës, e Zvicrës, Gjermanisë, Italisë…tërësisht nga shqiptare që janë jashtë. Nga Shqipëria dhe nga Kosova nuk mundën të bëjnë donacionin e tyre përmes kësaj forme që në kishim përzgjedhur, pra është një fond tërësisht i mbledhur nga shqiptarët e mërgatës. Ne kemi filluar procesin, jemi grupi që kemi filluar të rindërtojmë shtëpinë e parë. Unë e kam shprehur edhe në komitetin e rindërtimit, ne jemi për koordinim pasi është normale, po rjo centralizim. Nuk mund të bëjmë centralizëm të fondeve pra duam të jemi me fytyrë përballë njerëzve, me përgjegjësi përballë njerëzve që kanë besuar këto fonde tek ne. Shtëpinë e parë e kemi filluar në zonën e Tapizës, në një familje që kishte vështirësi të madhe ekonomike, të njëjtën procedurë do të ndjekim, Jemi përpjekur me grupe vullnetarësh të identifikojmë familjet që kanë më shumë probleme me më shumë vështirësi ekonomike që janë pensioniste apo janë familje me të sëmurë dhe rast pas rasti më pas të fillojmë rindërtimin e shtëpive. Deri në centin e fundit të tregojmë që në 30 vite gjërat kanë ndryshuar dhe në raste të tilla nuk ka njerëz që flenë të varfër….do të qëndrojmë në transparencë deri në fund, do të qëndrojmë cent për cent deri në fund…do të qëndrojmë për shqiptarët e prekur nga tërmeti, ashtu siç janë dhënë me atë reagim të jashtëzakonshëm të dhënë nga mërgata. Kemi nisur shtëpinë e parë për të dhënë dhe mesazhin që është koha të lëmë fjalët, të lëmë shoë-t mediatike, të lëmë këto daljet këtu lart e poshtë dhe të ndihmojmë. Ka firma ndërtimi që janë të gatshme të bashkëpunojnë, ne kemi venë vetëm një kusht që të gjitha ndërtimet që do të bëjmë do ti bëjmë me çmim kosto madje edhe nënkosto, mjafton të përmend shtëpinë e parë që po ndërtohet, po e ndërtojmë me jo shumë se 300 mijë lekë metri katror, pra kosto më të ulët se ajo që ka deklaruar qeveria.”
Por si lindi pasioni i Memës për gazetarinë që në ditët e sotme është profesioni i tij?
“Unë jam djalë i vetëm, nuk kam as motra as vëlla. Kam qenë djalë i vetëm dhe ime më gazetare dhe më ka marrë me vete kudo që shkonte. Ishin kohët kur gazetat shkonin në shtypshkronjë për t’u bërë faqosje dhe ato gurët e plumbit që radhiteshin…Nëse së fundmi nuk kishim lodra…viti 1981 janë ato vitet e fundit…që do të thotë lodrat e mia të para ishin gurët e plumbit, me ato kamë luajtur me merrte ime më me vete dhe në shtypshkronjë luaja me to. Më hyri plumbi në gjak, që në fakt është helm dhe mesa duket….u ndjeva pjesë e botës së gazetarisë, pavarësisht se kam filluar punë mjaft herët. Kam filluar të shkruaj për herë të parë në vitin 1997, 16 vjeç. Tek gazeta e kohës “Populli” më pas në vitin 1998 gazetar sporti tek “Sporti shqiptar” për të filluar më pas në Janar 2002 në Top Channel dhe nga ai moment nuk jam shkëputur më nga Top Channel,”-u shpreh Mema.
Sa i përket punës që i ka lënë më shumë mbresa Marin Mema veçon historinë e Gërdecit.
“Ka shumë po sigurisht ka patur raste fatkeqësisht natyrore që më kanë prekur, ashtu siç ka qenë edhe rasti i Gërdecit, ku ne jemi futur që atë natë bashkë me kolegun tim Sokol Bregu, jemi futur në pjesën e kraterit duke anashkaluar edhet ruajtjen e ushtrisë për të treguar nga afër çfarë kishte ndodhur…këtë kemi bërë gjatë gjithë natës duke kaluar në krahun e pasëm të kodrës …ka qenë një rast shumë prekës unë gjatë gjithë kohës kisha raportuar nga Spitali Ushtarak…pra ishte një situatë shumë e rëndë, por kjo nuk do të thotë që nuk ka patur situata të tjera të vështira. Profesioni i gazetarit në Shqipëri ju e dini shumë mirë nuk është i lehtë….por dhe shumë i bukur,”-thekson ai./ Opinion.al
