Pas polemikave ne distancë, Presidenti i vendit Ilir Meta është pyetur në një dalje për mediat, lidhur me raportet e tij me Ambasadoren Amerikane Yuri Kim.
Duke mos u përgjigjur në mënyrë të drejtpërdrejtë për Ambasadoren, Meta tha se marrdhëniet e tij me SHBA kanë qenë dhe mbeten të shkëlqyera.
“Marrëdhëniet e Ilir Metës me SHBA-të kanë qenë, janë dhe do të mbeten më të shkëlqyerat. Sepse SHBA-të janë me popullin e Shqipërisë. Populli i Shqipërisë do t’i tregojë edhe SHBA-ve se beson te demokracia dhe në këtë mënyrë edhe ato do të jenë të kënaqura që Shqipëria do të celë negociatat me BE. Zgjedhjet janë të mrekullueshme. Kudo procesi po ecën shumë mirë. Në Vlorë të mrekullueshme, në gjithë Shqipërinë. Në Tiranë një pjesëmarrje fantastike, në Durrës kudo, të ecim përpara. Një pjesëmarrje sa më e lartë tregon se jemi të përgjegjshëm për votën dhe kemi nxjerrë mësime nga ajo që ka ndodhur në të kaluarën”, u shpreh Presidenti.
Kujtojmë se vetëm dy ditë përpara mbajtjes së zgjedhjeve, Ambasadorja e cilësoi si kërcënuese dhe të pakuptimtë deklaratën e presidentit për “rrëmbimin e sfurqeve”, ndërsa Presidenti Meta se Ambasadorja po hynte në punët e vendit,/Opinion.al
