Bota

Përplasjet e para mes senatorëve në gjyqin ndaj Presidentit Trump


               Publikuar në : 08:26 - 22/01/20 |
Al Do

Senati amerikan ka hedhur poshtë rezolutën e demokratëve për të siguruar prova të reja në procesin e shkarkimit të Presidentit Donald Trump teksa gjyqi ndaj tij në Senat filloi.

Drejtuesi i shumicës së Senatit Mitch McConnell u tërhoq nga një plan për të ndjekur me shpejtësi seancat dëgjimore pasi presionit të Republikanëve.

Mbështetur nga avokatët e presidentit, McConnell fillimisht kishte planifikuar që argumentet e hapjes së procesit të jepeshin jo gjatë tre por dy ditëve. Por pas një takimi me senatorë, përfshirë disa republikanë, McConnell ra dakord për tre ditë për argumentet hapjes së procesit.

Trump është akuzuar për shpërdorim të pushtetit dhe pengim të hetimit të kongresit. Në Forumin Ekonomik Botëror në Davos, Zvicër, të martën, Trump hodhi poshtë akuzat kundër tij si “thjesht një mashtrim”.

Senatorët janë betuar për të vepruar si gjykatës të paanshëm, duke dëgjuar argumente për gjashtë orë në ditë, gjashtë ditë në javë në një gjyq të kryesuar nga Kreu i Gjykatës Supreme në SHBA, John Roberts.

Procedimet gjyqësore ditën e parë filluan natën vonë.

Së pari, presidenti akuzohet se ka kërkuar ndihmë nga qeveria e Ukrainës për të ndihmuar veten e tij të rizgjidhet në nëntor.

Pretendohet se, gjatë një telefonate me presidentin ukrainas Volodymyr Zelensky, ai tërhoqi ndihmën ushtarake ndërsa kërkoi një hetim antikorrupsion ndaj kandidatit demokrat për Shtëpinë e Bardhë, Joe Biden, djali i të cilit, Hunter, mbajti një pozicion bordi me një firmë energjetike të Ukrainës, Burisma.

Pretendimi i dytë është se, duke refuzuar të lejojë stafin e Shtëpisë së Bardhë të dëshmojë në seancat për shkarkimin e tij vitin e kaluar, zoti Trump pengoi Kongresin.

Senati po e dëgjon çështjen ndërsa Kongresi i udhëhequr nga Demokratët votoi të fajësojë Presidentin Trump më 18 dhjetor. /Opinion.al

Pas