Deputeti Ervin Salianji ka folur për mediat pas mbledhjes prej më shumë se 6 orësh në selinë e PD, ku sipas tij shumica ka kërkuar largimin e kryetarit.
“Ajo që ishte evidente, ishtë që grupi kërkoi largimin e kryetarit për t’i hapur një zgjidhje situatës në PD”, tha Salianji.
Ndër të tjera Salianji ka sqaruar edhe përplasjen verbale me Bashën e më pas me një nga mbështetëset e kryetarit, që në fakt sipas Salianjit nuk duhej të ishte e pranishme në mbledhje.
“Lidhur me çfarë keni parë në media, ka qenë një konflikt që ndodhi për shkak të një konflikti verbal me kyetarin e partisë dhe njerëz që emocionohen nga këto situata. Që ka patur njerëz të paftuar dhe që ka qenë një komunikim përtej limitit të dy në tejkalim, por padyshim në tejkalim është ai që fton njerëz të paftuar në mbledhjen e grupi parlamentar.
Nuk intimidohem dot, nuk kërcënohem dot as nuk kam frikë”, tha Salianji./Opinion.al
