Rajoni

Përplasja Meta- Brnabic për Kosovën. Kryeministrja serbe: Po na provokoni


               Publikuar në : 14:36 - 09/07/19 |
geliano fataj

Samiti i Procesit të Bashkëpunimit të Europës Juglindore është zhvilluar këtë të marë me përplasje mes presidentit Ilir Meta dhe kryeministres serbe, Ana Brnabic.
Meta ka kritikuar Bosnje-Hercegovinën si vend pritës i samitit të Procesit të Bashkëpunimit të Europës Juglindore, ku mungon Kosova pasi Presidenti Hashim Thaçi refuzoi ftesën e bërë nga homologu boshnjak Milorad Dodik.

Meta vuri në dukje se pikërisht mungesa e Kosovës në këtë samit është tregues i sfidave që ka rajoni, që kërkon të integrohet në Bashkimin Europian.

“Marrëdhëniet e fqinjësisë së mirë dhe respekti reciprok janë thelbësore për një bashkëpunim rajonal efikas, për sigurinë dhe prosperitetin ekonomik për të gjithë ne. Për këtë arsye, tani është koha e duhur që Bosnje-Hercegovina, por jo vetëm, të ecë përpara me njohjen e realitetit. Republika e Kosovës është një vend i pavarur dhe Sovran dhe duhet trajtuar me respekt, në radhë të para e sidomos, prej fqinjëve të saj”, shtoi Presidenti.

Kjo deklaratë ka sjellë dhe reagimin e kryeministres serbe, e cila ka kërkuar që Meta të përmbahet dhe të mos provokojë.

“Nuk besoj se takimet rajonale janë për të shpalosur deklarata politike. Ai e di formatin e takimit”, citohet të ketë thënë Brnabic për mediat serbe. Vetë samiti nuk e njeh Republikën e Kosovës, por as Bosnje-Hercegovina si shtet. Kemi ardhur këtu për të diskutuar mbi bashkëpunimin dhe jo të bëjmë provokime personale”./ Opinion.al

Pas