Pas përplasjes së dy trenave në Greqi ku humbën jetën 57 persona duke përfshirë dhe shqiptarë, kanë dalë detaje të reja.
Mediat greke shkruajnë se raporti mjekësor i inspektorit që ishte në detyrë, Dimitris Nikalaou, mban firmën e një mjeku të Departamentit të Kirurgjisë “Achillopoulio”.
Dyshohet se mjeku e ka dhënë dokumentin pa e ekzaminuar personin që ka diagnostikuar me një problem neurokirurgjik.
Inspektori i supozuar i sëmurë e ka dorëzuar raportin mjekësor në mënyrë elektronike në departamentin kompetent të EFKA-së.
Sipas informacioneve, mjeku nënshkrues i raportit mjekësor ka pohuar se ka marrë një urdhër nga eprori i tij. Procesi vijon me thirrjen për shpjegime të mjekut të emëruar që ka lëshuar dokumentin.
Inspektori, Dimitris Naikolaou është pezulluar “deri në hetim të plotë”, gjithashtu vetë kryeministri i Greqisë ka reaguar duke dërguar një letër në Gjykatën e Lartë për zbardhjen e çështjes./Opinion.al
