Është arrestuar personi që përplasi me automjet efektivin e policisë mëngjesin e sotëm në Tiranë.
Sipas policisë, E.M., 43-vjeç u konfliktua me efektivin për shkak të një gjobe që ky i fundit i kishte vendosur dhe për këtë arsye ai e aksidentoi.
Ngjarja ndodhi në rrugën “Thoma Koxhaj” në kryeqytet. Efektivi ndodhet në spital jashtë rrezikut për jetën.
E. M., banues në Kombinat, do të përgjigjet para autoriteteve për veprat penale “Goditja për shkak të detyrës” dhe “Plagosja e rëndë me dashje”.
Sakaq materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
