Një aksident është regjistruar këtë të diel në aksin rrugor Korçë-Pogradec. Policia bën me dije se dy automjete janë përplasur me njëra-tjetrën dhe si pasojë kanë mbetur të plagosur shtetasi G. B. dhe djali i tij i mitur pasagjer në mjet.
Të lënduarit janë dërguar për mjekim të specializuar në Spitalin e Pogradecit, ndërsa me drejtuesin e mjetit tjetër policia thotë se po kryen veprimet e mëtejshme procedurale.
Informacion- Pogradec/Informacion paraprak
Më datë 21.08.2022, rreth orës 15:10, në aksin rrugor Korçë-Pogradec, në afërsi të fshatit Leshnicë, janë përfshirë në një aksident rrugor dy automjete tip “Volksëagen” me drejtues respektivë shtetasit G. B. dhe shtetasin L. M.
Për pasojë janë dëmtuar drejtuesi, shtetasi G. B. dhe djali i tij i mitur pasagjer në mjet, të cilët u dërguan për mjekim në Spitalin e Pogradecit. Me drejtuesin tjetër po kryen veprimet e mëtejshme procedurale.
