Kryesore

Përmbytjet/ Rama i përgjigjet me video akuzave të opozitës


Bëhu pjesë e Grupit Zyrtar të Opinion.al
>> KËTU <<
               Publikuar në : 08:35 - 12/01/21 |
Opi Nion

Reshjet e shiut që përfshinë ditët e fundit Shqipërinë shkaktuan përmbytje në disa zona, ndërsa shumë rrugë pësuan dëmtime të mëdha.

Pas situatës së krijuar në vend, opozita akuzoi qeverinë për mos marrje të masave në kohën e duhur dhe pse eksponentë të kësaj të fundit, këmbëngulin se kanë mirëmbajtur kanalet kulluese gjatë verës.

Ndërkohë, mëngjesin e sotëm, kryeministri Edi Rama ka publikuar në “Facebook” një kronikë të “ERTV” e cila është realizuar nga stafi i Kryeministrisë.

Përmes kësaj video, Rama i përgjigjet akuzave të opozitës, duke treguar se qeveria e tij ka punuar për të shmangur përmbytjet në disa zona të cilat përmbyteshin në kohën që qeveriste Partia Demokratike.

Në video, Rama trego një rrugë të qytetit të Vlorës e cila në qeverisjen e PD ishte e përmbytur, ndërsa tani në këtë rrugë është investuar.

 “Mirëmëngjes dhe me këto pamje nga e njëjta rrugë në zonën historike të Vlorës, marrë nga i njëjti kënd pas të njëjtave rreshje shiu, duke u thënë të gjithë atyre që përqeshnin këto ditë “përmbytjen” e Vlorës (apo në përgjithësi atyre që s’e bëjnë dot dallimin mes të sotmes e të djeshmes kur bie shi), se është koha për ta freskuar pak kujtesën, si edhe duke i garantuar të gjithë se edhe në këtë drejtim, më e keqja ka ikur ka kohë pas krahëve tona dhe më të mirën e kemi të gjithën përpara (e do ta arrimë me edhe më shumë punë akoma), ju uroj një ditë të mbarë”,-shkruan Rama./ Opinion.al

Pas