Një aksident është regjistruar mbrëmjen e sotme në aksin rrugor Kalimash-Morinë, ku një kamion është përmbysur.
Sipas policisë, shtetasi S.G., duke drejtuar kamionin ka humbur kontrollin dhe për pasojë automjeti është përmbysur.
Mësohet se si pasojë e aksidentit ka mbetur i dëmtuar drejtuesi i kamionit, i cili është dërguar në spitalin e Traumës, Tiranë.
“Rreth orës 21:10, në aksin rrugor Kalimash-Morinë, shtetasi S. G., duke drejtuar automjetin (kamion), ka humbur kontrollin dhe për pasojë kamioni është përmbysur.
Nga aksidenti ka mbetur i dëmtuar drejtuesi i automjetit, shtetasi S. G., banues në Tiranë, i cili po transportohet në Spitalin e Traumës, Tiranë. Grupi hetimor ndodhet në vendngjarje dhe po punon për sqarimin e rrethanave të aksidentit”-njofton policia./Opinion.al
