Gjykata e Katanias në dosjen e saj që vulosi fatin e Moisi Habilajt dhe bandës së tij, ka nxjerr në pah përgjime të tjera, fakte që implikojnë policinë shqiptare me bandën e Habilajve.
Mirëpo, lidhjet e bandës së Habilajve me persona me funksione në polici, dalin edhe në një përgjim të datës 25 janar, 2017; ku Nezari i tregon Miridianit se nuk i ka punët mirë me shtetin shqiptar, fjala është për policinë.
Biseda:
Nezari: Më tha sot Lolo (Florian Habilaj).
Miridiani: Që…
Nezari: “Nuk i kemi punët mirë me shtetin”. “Nuk na merr Dega e Brendshme”. Kështu u them unë atyre, “Dega e Brendshme”.
Në një përgjim të datës 20 shkurt 2017, në orën 09:29, Moisi Habilaj dhe Nezar Seiti flasin për transportin dhe shitjen e drogës.
Në orën 09:34, Nezari thotë: Ta pyesim një herë atë se sa është copa, dhe shohim çfarë do thotë tjetri.
Në orën 09:37, Moisi Habilaj i thotë Nezarit që të shkojë ai vetë me Sabaudin Sulajn që të flasin për çmimin dhe më pas t’ua bënte të ditur atij për shpenzimet e transportit të drogës.
Në orën 09:38, Nezari i thotë se atyre do t’ua bëjë të ditur që “puna” nuk ishte vetëm e tyre dhe nuk kushton me mijëra euro.
Moisiu i përgjigjet se “puna” ka qenë gjithmonë te çmimi 800 euro.
Deri në orën 10:37, Moisiu dhe Nezari flasin për çmimin e drogës në Holandë.
Nezari thotë se i leverdis që ta shesë drogën me një çmim më të ulët dhe me para në dorë.
Një orë më pas, Moisiu dhe Nezari flasin për ngarkimin e drogës në furgon dhe për ardhjen e dërgesës nga Shqipëria. Biseda është konsumuar në automjetin “Fiat Panda”.
Nezari: A e bën dot… ta ngarkosh direkt?! A e ngarkon direkt menjëherë atë natë?
Moisiu: Po!
Nezari: E kuptoj… të mërkurën?
Moisiu: Eee.
Nezari: Për plakun do të ishte mirë që të çlodhej pak, por nuk përputhen ditët. Do të qetësohej “puna”. Nuk na premton koha…
Moisiu: Nëse ai vjen në orën 9, atëherë në 12 e mbarojmë.
Nezari: Furgoni vjen dhe ngarkohet direkt aty? E mban një furgon atë? Apo i ke thënë që ta gjejë një të madh?
