Aktualitet

Përfundon takimi mes ambasadorëve për reformën zgjedhore


Bëhu pjesë e Grupit Zyrtar të Opinion.al
>> KËTU <<
               Publikuar në : 12:02 - 04/06/20 |
Opi Nion
Një orë zgjati takimi i ambasadorëve në zyrën e Luigi Sorecës për Reformën Zgjedhore. Takimi nisi në orën 11:00 dhe përfundoi 60 minuta më pas.

Në takim ishin ambasadorët e SHBA-së, BE-së, Gjermanisë, Britanisë dhe OSBE-së. Në fund asnjëri nga ambasadorët nuk pranuan që të prononcohen. Ambasadorja e SHBA, Yuri Kim u largua nga hyrja e pasme duke shmangur mediat.

Zhvillimet vinë pas negociatave maratonë për reformën zgjedhore që ende nuk janë finalizuar me një marrëveshje. Paralelisht, në selinë e Partisë Demokratike, kreu i saj, Lulzim Basha, zhvilloi një takim me ekspertët e opozitës për reformën.

Një ditë më parë Ambasadorja e SHBA Yuri Kim përgëzoi partinë në pushtet dhe tha se ka ardhur koha për opozitën dhe Lulzim Bashën që të barazpeshojë të gjithë faktorët dhe të thotë “PO” për popullin shqiptar dhe të thonë “PO” për Shqipërinë./ Opinion.al

Pas